السلام عليكم ورحمة الله وبركاته
اول شيء اشكر الاخ المصور innocent
على اخضاع صورته للتجربه ...
واتمنى ان التجربه والدرس يكون على قد المستوى ....
استمتعوا بالدرس ...
وطبعا اعتذر منكم اذا كان فيه اشياء مب واضحه لان الدرس كان بعد ما انتهيت تماما من التعديل ففي بعض الفقرات اللي اشرحها تكون الصورة طبقتها دون ان تمر في المرحله الاولية ...
طبعا التعديل بطريقة او باخرى ماراح يزيل معالم العيب 100% لكن نقدر نقول ان فيه لقطات صعبه تنعاد مرة ثانية ...
وممكن نصلحها قد ما نقدر او نقدر نرممها ....
الدرس طويل شوي ويبيله صبر ودقه ... عشان يطلع الشغل مضبوط .... طبعا انا استخدمت الفوتوشوب
.... اترككم مع الصور وراح اشرح عليها واي استفسار بلغوني
....النتيجة النهائية
اذا الصور صغيرة تلقونها في الجاليري...اكبر
نفتح الصورة المراد تعديلها .... من خانة الادوات نختار اداة الباتش نبدا بتحديد منطقه منطقه ... حبذا لو كانت صغيره عشان نقدر نحدد الدقه اكثرالتحديد يكون بالضغط على الزر الايسر للماوس وتحديد المنطقة
..بعد تحديد المنطقه نرجع على المنطقه اللي حددناها ونضغط بالزر اليسار ونسحبه على اقرب جهة بنفس الالوان ...
وكذا يكون شكله
نجي الحين للشيء الكبير والمعقد .... ركزوا معي ....
نلاحظ المربع الموجود عند الشباك واللي راح نشتغل عليه ...
ثم من خانة الادوات نختار الفرشة ونختار الفرشة الدائرية مدري وش اسمها .... والحجم تحددونه حسب المنطقة اللي تبون تعدلون فيها
ملاحظة : قد تحتاج الصورة هذي الخطوه وقد لا تحتاج ....
نعود نضغط على ALT ونختار اللون طبعا اخترت لون الشباك ...طبعا الفرشة مب باينه حاولت اكبرها عشان يوضح التحديد ....
بعد ماحددنا المنطقة ... كاملة صار الشكل كذا
ومن خانة الادوات نختار اداة السمدج .... او الدمج .... ونحاول ندمج الحواف عشان ما تبين الفرشة ....
بعد ما انتهينا من الشباك .... نجي لمقدمة السيارة مدري وش تسمونها طبلون مدري وشو .... المهم ....
نبي نخلي فيه شوي ظل نختار الفرشة
و مرة ثانية ALT... ونحدد المنطقة طبعا بتكون الفرشة اغمق
.... نسيت اصورها او بالاحرى سويت الدرس بعد ماخلصت من التعديل ...
المهم بعد ما تحددون المنطقه نجي للخطوة الثانية نختار هالفلتر ونختار القيمه حسب الرغبه انا سويت طبقات كثيرة فما اتذكر كم كان الرقم
وبكذا نكون انتهينا ومبروك عليكم الصورة
لكم التحية
عزة النفس
ليست هناك تعليقات:
إرسال تعليق